विचारधारेशी प्रतारणा करणाऱ्या संधीसाधू नेत्याला चपराक, न्यायालयाच्या निकालावर एकनाथ शिंदे म्हणतात...

गेल्या काही महिन्यापासून गाजत असलेल्या सत्तासंघर्षांवर आज सर्वोच्च न्यायालयाचा निकाल आला. राज्याचे तत्कालीन राज्यपाल, विधानसभा अध्यक्ष यांच्या निर्णयावर ताशेरे ओढले असले तरी न्यायालयाकडून मुख्यंमत्री एकनाथ शिंदे यांना मात्र दिलासा दिला आहे.

न्यायालयाने नवाब रेबिया प्रकरण मोठ्या बेंचकडे पाठवण्याचा निर्णय दिला असला तरी आमदारांच्या अपात्रतेचा निर्णय मात्र पुन्हा विधानसभा अध्यक्ष यांच्याकडे पाठवला आहे. न्यायालयाच्या निर्णयानंतर राज्याचे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी पत्रकार परिषद घेतली. यावेळी त्यांनी पुन्हा एकदा आपलं सरकार कायदेशीर असल्याचं म्हटलं आहे.

याच मुद्द्यावरून मुख्यंमत्री एकनाथ शिंदे यांनी एक ट्विट केलं आहे. आपल्या ट्विटमध्ये एकनाथ शिंदे म्हणता की, "अखेर सत्याचा विजय जनमताचा मान ठेवणारा निकाल… धराणेशाही विरोधात सर्वसामान्य कार्यकर्त्याचा विजय… हिंदुहृदयसम्राट शिवसेनाप्रमुख वंदनीय बाळासाहेबांच्या विचारधारेशी प्रतारणा करणाऱ्या संधीसाधू नेत्याला चपराक. मतदार राजाचा सन्मान करणारा निर्णय… शिवसेना वाचविण्यासाठी केलेल्या संघर्षाचा विजय… यापुढे जनमताची फसवणूक करणारे पक्ष सत्तेसाठी आपला आत्मा विकण्याचे धाडस करणार नाही. सत्तेसाठी, मुख्यमंत्रीपदासाठी नितीमत्ता सोडणाऱ्यांनी नितीमत्तेची भाषा करू नये."